- متتأخرش عن ميعاد التجمع في أول يوم لأن ممكن نمشي ونسيبك فهتزعل من أول يوم..
- لو عامل حسابك أنك هتتأخر نحب نريحك ونقولك متكملش قراية بقية النقاط لأنك مش هتبقى موجود..
- جهز كل حاجتك بدري، متستناش لحد ليلة السفر.. صدقني هتنسى حاجات..
- متقارنش نفسك بحد..
- متقارنش فريقك بأي فريق..
- متقللش من نفسك ومتقللش من حد..
- التزم بكل المواعيد اللي في الجدول..
- تنام كويس عشان هنتعب مع بعض شوية.. هنتعب أوي.. أوي أوي..
- بالنسبة لنجمات الكامب، احنا عارفين ان أناقتك خط أحمر بس لعلمك ده كامب رياضي، فقصي ضوافرك عشان بسهولة هتتكسر وهتفضلي تعيطي لحد الكامب الجاي.. هتتكسر أسهل مما تتخيلي..
- متتخانقش مع حد ومتتخانقش مع الحكم..
- صدقني متتأخرش عن ميعاد أي تجمع، مش هنستناك فهتزعل واحنا عايزينك مبسوط..
- اتكلم مع فريقك ومع قادة فريقك..
- متفكرش ان انبساطك متوقف على حد..
- شجع فريقك من كل قلبك..
- ركز في التفاصيل الصغيرة..
- قصي ضوافرك يا حبيبتي، ده مش مهرجان الجونة السينمائي، صدقيني خايفين عليكي، وخسارة الفلوس اللي هتدفعيها على ضوافر هتتكسر..
- انسى كل مشاكلك وخناقاتك مع اي حد وأنت في الكامب..
- افتكر ان الكامب ده هيكون ذكرى ليك بعد فترة.. اعمل ذكريات حلوة..
- افرح بالحاجات البسيطة..
- افتكر ان انبساطك هو مسئوليتك..
مانويل منصور